Фотавыстава «Беларусь сінявокая», падрыхтаваная Саюзам жанчын БДУ разам з Беларускiм Географiчным таварыствам, распачала сваю работу 25.10.2020 на факультэце геаграфіі і геаінфарматыкі БДУ. На выставе былі прадстаўлены фотаработы выдаўца, фатографа, дызайнера і этнографа Дзяніса Раманюка.
Фотавыстава «Беларусь сінявокая» робiць магчымым унікальнае падарожжа за «блакітным скарбам». Наведвальнікі фотавыставы змогуць пабачыць, што схавана за гучнымі метафарамі «Сінявокая Беларусь» і «Край блакітных азёр», якія сталі сапраўдным народным брэндам. Зробленыя з зямлі, вады і нават з паветра, фотаздымкi,паказваюць вядомыя і схаваныя ад погляду чалавека азёры і рэкі. Разглядаючы іх выявы , жыхары і госці краіны могуць захапляцца непаўторнай прыгажосцю Беларусі. Фотавыстава «Беларусь сінявокая» не толькі знаёміць з хараством прыродных скарбаў Беларусі, – яна ўвекавечвае іх зменлівыя рысы для наступных пакаленняў, а таксама спрыяе рашэнню праблем аховы прыроднага асяроддзя, стане своеасаблівым экскурсаводам і даведнікам.